Policia e Korçës ka arrestuar një 23-vjeçar i cili është i dënuar nga gjykata me burg. Bëhet fjalë për Mariglen Taren me vendbanim në këtë qytet. Ndalimi i tij u bë pasi, Gjykata e Rrethit Gjyqësor Korçë, e ka dënuar 23-vjeçarin me 2 muaj burg për veprën penale “Moskallëzimi i krimit”.
Po kështu në pranga është vënë dhe 54-vjeçari, Fatmir Capollari i cili ditën e djeshme në rrugën Pogradec -Gështenjas u kap duke drejtuar në gjendje të dehur automjetin tip “Ford”, me targë PG 3172 B. 54-vjeçari është banor i fshtain Gështenjas të Pogradecit. Arrestimi i tij u bë pasi, Materialet i kaluan Prokurorisë të Rrethit Gjyqësor Pogradec për veprën penale: “Drejtimi i automjeteve në mënyrë të parregullt” parashikuar nga neni 291 i Kodit Penal. (J.V/Shuplaka)
