Partizani do të luajë sot një ndeshje miqësore me skuadrën e Fenerbaches në Turqi. Nga ku gjendet e grumbulluar për fazën përgatitore skuadra do të ketë kështu një test më shumë për të kuptuar gjendjen fizike në të cilën ndodhen lojtarët.
Mirëpo në një rikthim në të shkuarën në vitin e largët 1962, kur skuadra e Partizanit luante një miqësore dhe e fitonte 3-2, kuptojmë se Partizani I sotëm duhet të kujtojë shumëccka nga ato vite të arta.
‘’HISTORIA në FOTO – Viti 1962: Kur Partizani luante me Fenerbahcen në Stamboll. Fotoja e atashuar është nga viti 1962. Partizani luan një takim miqësor në Turqi, me Fenerbahcen një nga skuadrat më të mira të futbollit turk. Partizani fiton 3-2. Ishte Partizan i madh. Nga fotoja dallohen emra shumë të mëdhenj të Partizanit, si Pano, Maliqati , Resmja e shumë yje të tjerë, nën trajnimin e të madhit Rexhep Spahiu, për të cilin shumë pak bëhen lëvdata deri në harresë totale.
Një Partizan që në atë kohë bënte ligjin në Shqipëri, me 7 kampionate të fituara në 6 vite. Nëse doni të shikoni se cili Partizan është më i madhi i gjithë i historisë 70 vjeccare, shikoni këtë foto. Nga ky Partizan i madh viteve 50-60-të, ky Partizani i sotëm i vogël duhet të mësojë shumë’’, shkruhet në komunikimin e vetë klubit të kuq. (E.K/SHUPLAKA)
