Një aksident është shënuar ditën e sotme në lagjen “Palorto” të Gjirokastrës ku një automjet me targa AA 259 BT, me drejtues shtetasen me iniciale F.L, banuese në Gjirokastër, ka përplasur një këmbësor.
Si pasojë e kësaj përplasje, ka mbetur i plagosur 63-vjeçari me iniciale SH. B., i cili është transportuar në Spitalin rajonal Gjirokastër, ku ndodhet jashtë rrezikut për jetën.
Burime të policisë kanë bërë me dije se shkak i aksidentit është bërë rrëshqitja e mjetit si pasojë e ngricave në rrugë. Është shoqëruar në polici drejtuesja e mjetit ndërkohë që vijojnë hetimet për zbardhjen e plotë të ngjarjes. (XH.A/SHUPLAKA)
Discussion about this post