Lulzim Basha komenton propozimin e Lëvizjes Socialiste për Integrim artikuluar nga Petrit Vasili lidhur me listat e hapura për kandidatët për deputetë në zgjedhjet e përgjithshme të këtij viti.
Për Bashën PD nuk është pengesë për këtë propozim por i gjithë debati sipas kryedemokratit është propagandistik.
”Përshëndes qëndrimin pro votimit elektronik, është një nga zgjidhjet eleminon blerjen e kartave të identitetit dhe mundësitë e krimit për t’i bërë presion qytetarëve, përshëndes qoftë edhe propzimet brenda qeverisë.
PD nuk është pengesë për listat e hapura, qoftë lista të hapura, maxhoritar, ose kandidatët për deputetet të zgjidhen drejpërdrejtë.
Ne jemi dakord që kandidatët mos caktohen nga kryetarët, por qytetarët. Absolutisht nuk mund të jemi pengesë për listat e hapura po diskutimi për listat e hapura është dhe mbetet propagandistik për sa kohë nuk garantohet vota për zgjedhje të lira dhe të ndershme.”, theksoi Basha në deklaratën pas takimit me aleatët në PD.
”Kemi rastin të konfirmojmë qëndrimin tonë të unifikuar. Këto zgjedhje nuk mund të vendosim kriminelët por qytetarët. Zgjedhjet janë në rrezik për shkak të krimit, korrupsionit, moszbatimit të dekriminalizimit, shndërrimit të shqipërisë në parajsë kanabisi.
Kemi paraqitur një platform që prej 17 majit. Kemi gati një platform që është kusht për zgjedhjet, thelbi i saj është që zgjedhjet nuk mund të vendosen nga kriminelët. Konfirmojmë numërimin elektronik dhe gjithë aspektet e tjera që janë bërë të njohura për zgjedhjet. Nuk ka më kohë, do të kushtëzojmë çdo aktivitet me zgjedhjet e lira, opozita parlamentare që çështja numër 1 janë zgjedhjet e lira dhe të ndershme. I gjithë aktiviteti ynë brenda dhe jashtë parlamentit do të jetë për zgjedhjet”, ka thënë më parë Basha.
(V.G/SHUPLAKA)
Discussion about this post