Blerja e temave të diplomave me para është trajtuar sonte në emisionin investigativ “Stop” në “TV Klan”, i cili ka zbardhur skemat e mashtimit.
Sipas investigimit të gazetarëve, ekziston një grup i sofistikuar që bën tema diplomash master dhe bachelor në fushën e juridikut në këmbim të parave.
Gjithashtu raportohet se këto grupe kanë faqen e tyre në “Facebook”, ku kanë publikuar edhe numrat e kontaktit.
Sipas “STOP” prapa këtyre grupeve fshihen pedagogë dhe juristë, të cilët janë të gatshëm të bëjnë tema diplomash për studentëtnë këmbim të një shumë të majme parash.
Mësohet se çmimet e temave të diplomave shkojnë nga 70 mijë lekë deri në 250 mijë lekë. (D.D/Shuplaka)
