Ministri i brendshëm serb Nebojsha Stefanoviç në një letër që i ka drejtuar sot sekretarit të Përgjithshëm të Interpolit Jurgen Stoke ka shprehuar ankesën e tij ndaj ministrit të Brendshëm shqiptar si cënimin e sovranitetit të Shtetit serb nga ana e Shqipërisë.
Sipas gazetës serbe ”Kurir”, ministri i Brendshëm i Shqipërisë u ka kërkuar autoriteteve të Interpolit një ri-vlerësim të urdhërarrestit ndaj Ramush Haradinaj, dhe kjo përbën një ndërhyrje të papranueshme në sovranitetin e Serbisë, cilëson ministri i Brendshëm serb Stefanoviç.
Ai vuri në dukje se parimi themelor i Interpolit në shtetet sovrane anëtare në vendimmarrje është zbatimi ligjor dhe jo ndërhyrjet politike të ndonjë shteti anëtar të kësaj organizate.
Sipas tij, urdhërarrresti ndaj Haradinajn i plotëson të gjitha standardet në përputhje me rregullat, procedurat dhe standardet e Interpolit. Ministri Saimir Tahiri i bëri disa ditë më parë kërkesë Interpolit për anullimin e urdhër-arrestit kundër Haradinajt të Aleancës për Ardhmërinë e Kosovës. (V.G/SHUPLAKA)
Discussion about this post