Tirana ka shënuar humbje në miqësoren e parë zhvilluar në Antalia ndaj Akzhayik.
Bardheblutë janë mposhtur me rezultatin 2-0 nga ekipi kazak. Kundërshtarët shënuan në minutën e 73′ dhe të 82′ të takimit.
Skuadra e drejtuar nga trajneri Mirel Josa pati shansin të shënuar por shtylla dhe portieri i kazakëve i’a mohuan mundësinë.
Debuton Leuca
Në këtë sfidë debutoi dhe afrimi më i ri në skuadër, sulmuesi moldav Petru Leuca i cili u aktivizua në pjesën e dytë.
Dëmtimet
Mbrojtësi Gentian Muça dhe mesfushori, Dorian Kërçiku nuk ishin të disponueshëm për teknikun e kryeqytetasve për shkak të dëmtimi.
Tirana do të luajë miqësoren e dytë me 15 janar përballë një tjetër ekipi që vjen nga kampionati i Kazakistanit, FC Tobol.
Agolli
Gjatë ndeshjes miqësore, ish-futbollisti bardheblu dhe kapiteni i Kombëtares Ansi Agolli ndjekur nga afër miqesoren. Skuadra e Karabakut ku Ansi luan prej vitesh po stervitej ne te njejtin kompleks dhe ai ka perfituar nga rasti per tu takuar me trajnerin Mirel Josa, drejtorin sportiv Devi Muka por dhe pjesetare te stafit e futbolliste bardheblu.
Formacioni që luajti Tirana sot
Bakaj, Turtulli, Domgjoni, Deliaj, Hoxhallari, Daja, Karabeci, G. Lika, Halili, Romuald, Ede. U aktivizuan: Nuriu, Peci, Leuca, Akua, Teqja, Bajrami.
Discussion about this post