Në spitalin e Përrenjasit punohet në kushte skandaloze, me lagështirë dhe banja aspak higjienike siç i takon një spitali.
Ky skandal u publikua sot nga emisioni investigativ “BOOM” në RTV Ora News.
Gazetarët e këtij emizioni udhëtuan drejt bashkisë së Prrenjasit dhe njësisë administrative të Rrajcës për të parë kushtet në qendrën shëndetësore të kësaj njësie dhe në spitalin e Prrenjasit. Por ajo çfarë zbuluan ishte tej imagjinatës.
Në qendrën shëndetësore të Rrajcës, e cila mbulon 10 mijë banorë, gazetarët panë një rrënim total dhe kushte skandaloze.
Sipas mjekut përgjegjës Reshit Hana, stafi mjekësor nuk mungon, furnizimi me medikamente mjekësore është i plotë për të gjitha pikat që mbulon kjo qendër.
Lidhur me kushtet e qendrës shëndetësore, Hana thotë se i ka dërguar shkresa organeve përkatëse për përmisimin e kushteve, por nuk ka marrë asnjë përgjigje.
INTERVISTA:
Gazetari: Sa banorë marrin ndihmën e parë në këtë qendër shëndetësore?
Mjeku përgjegjës: Si qendër qendër shëndetësore mbulojmë rreth 10700 banorë, jemi 6 mjekë dhe personi i njësisë mjekësore 16.
Gazetari: Ju si drejtues i kësaj qendre, çfarë masash keni marrë ?
Reshit Hana, mjeku përgjegjës: Kemi informuar instancat përkatëse për këtë punë, ministri, bashki. Rastet që ne nuk mund ti trajtojmë këtu i nisim në spitalin e Prrenjasit. Për ilaçe në të gjithë qendron tonë dhe në gjithë njësinë administrative nuk është problem fare. Kemi ilaçe për të furnizuar zonat e thella malore.
Pas Rrajcës, gazetarët vizituan spitalin e Prrenjasit, aty ku marrin ndihmë mjekësore rreth 34 mijë banorë.
Ata mbetën të shokuar kur panë se ngrohja e qeseve të serumit bëhej pranë rezistencës. Ndërkohë nuk funksionin as kaldaja për ngrohjen e pacientëve. Përveç kësaj, panorama e këtij spitali ishte kjo: xhama të thyer, krevatë të vitit 1986, dyer të kalbura dhe banja jashtë kushteve higjenike.
INTERVISTA:
Gazetari: Sa dite jeni të shtuar këtu me fëmijën?
Gruaja: Tre ditë
Gazetari: Nga se e keni shtruar fëmijën?
Gruaja: Nga temperatura e lartë?
Gazetari: Si ju duken kushtet në spital?
Gruaja: Kushtet shumë të keqija por çfarë të bëjmë
Gazetari: E keni çuar ndonjëherë në Tiranë për vizitë?
Gruaja: Kur kemi mundësi po, kur skemi e sjellim këtu nga e keqja.
Por nuk mbaron me kaq. Në spitaline e Prrenjasit ka një tjetër pavion, ai i pathologjisë. Kushtet këtu janë përtej skandalit, me lagështirë. Ndërkohë ajo që duhet të shërbente për mensë, shërben për mbajtjen e mbetjeve spitalore, ndërsa në një vend pranë gatuhet byrek.
Gazetari: Prej sa ditësh jeni të shtruar në këtë spital?
I sëmuri 1: Kam 3 ditë
Gazetari: Si duken kushtet?
I sëmuri 1: Siç i shikoni vetë
Gazetari: Ilaçe ka spitali?
I sëmuri 1: Po ilaçet i siguron spitali
Gazetari: Keni 8 ditë të shtruar në këtë spital dhe ky është ushqimi që ju sjell spitali?
I sëmuri 2: Ky është ushqimi që sjell spitali, sot psh, se ka raste në mëngjes na sjell çaj e djathë, vezë. Në drekë supë, makaronë.
Gazetari: Si ju duken kushtet këtu?
I sëmuri 2: Për mendimin tim, se unë e kam herën e parë që shtrohem mirë, me këto kushte që ka.
Gazetari: Kushtet si ju duken?
I sëmuri 3: Ambientet shumë negative. Thirrje kryeministrit dhe ministrit të Shëndetësisë që të përmirësohen kushtet.
Gazetari: A është e lodhshme për ju këtu në urgjencë?
Infermierja: Pak e lodhshme në këto ditë gripi
Gazetari: A janë kushtet për të pritur gjithë këta njerëz këtu në spital?
Infermierja: Tani kushtet ju i shikoni vetë
Gazetari: Si janë kushtet në këtë spital?
Qytetar: Kushtet janë të këqija po shyqyr kemi doktorët të mirë
Gazetari: Keni për ti thënë ndonjë gjë atyre burrave në Tiranë?
Qytetar: Ça ti them atyre unë, atyre nuk i bie ndërmend se ka Përrenjas apo nuk ka. Vijnë vetëm kur janë votimet.
