Ish-deputeti i PDIU-së, Dashmir Tahiri, i cili ka vetëm pak kohë që ka humbur mandatin e parlamentarit, ka folur në studion e emisionit “Të paekspozuarit”, për heqjen e mandatit.
Tahiri gjithashtu gjatë intervistës foli dhe për një ngjarje me Zani Çaushin në vitin 1997, kur bënte përkthimin e tij për mediat italiane.
“Kam qenë i zoti i hotelit, ku u zhvillua ngjarja. Aty vinin gazetarët, më kujtohet ka qenë gazetari i Rai3. Më thotë dua të intervistoj Zanin. Zani në atë kohë ishte njeriu me famë, më tepër fryrje mediatike. Më tha më duhet një përkthyes, dhe i thashë ta bëj unë. Videoja u publikua 2-3 muaj pasi u bëra deputet”, tha Tahiri.
Dashamir Tahiri, ish-deputet i Vlorës, humbi mandatin në KQZ pas kërkesës së Prokurorisë së Përgjithshme, e cila e akuzon se ka fshehur të dhënat në formularin e dekriminalizimit. (A.R/SHUPLAKA)
Discussion about this post