Siria ka akuzuar Izraelin për bombardimet e shënuara së fundmi në një zonë në Perëndim të Damaskut, ku u raportua për goditjen e një aeroporti ushtarak.
Televizioni shtetëror citoi ushtrinë vendase, e cila tha se disa raketa goditën kompleksin e aeroportit në Mezzeh duke shkaktuar dëme të shumta materiale, ndërkohë që mbetet e paqartë nëse janë shkaktuar të plagosur.
Gjatë muajit dhjetor, media shtetërore siriane raportopi se disa raketa izraelite kishin shënjestruar aeroportin në Mezzeh, duke shkaktuar zjarre, por jo viktima. Më 30 nëntor, u raportua se avionë izraelitë qëlluan me raketa nga hapësirë ajrore libaneze në Siri, duke e goditur Sabboura, një zonë jashtë Damaskut.
Deri tani, Qeveria izraelite nuk ka konfirmuar apo mohuar autorësinë e sulmeve. Ushtria siriane është cituar të ketë paralajmëruar Izraelin “për pasojat e sulmit flagrant”, sipas Reuters. (XH.A/SHUPLAKA)
Discussion about this post