Është shënuar rasti i katërt i viktimës nga virusi i grupit. Ministria e Shëndetësisë ka bërë së fundmi me dije se ka ndërruar jetë si pasojë e gripit 76-vjeçari me iniciale S. K., i shtruar në spitalin “Shefqet Ndroqi”.
“Ministria e Shëndetësisë informon se pacienti S. K., 76 vjeç, banues në Tiranë, i shtruar në Spitalin Universitar “Shefqet Ndroqi” më datë 05/01/2017, me diagnozë “Pneumonia dexter at insufiçencë Respiratore”, dhe me sëmundje shoqëruese, SPOK (Sëmundje Pulmonare Obstruktive Kronike), Diabetues Mellitus, Status Post By-Pass, i cili, në përgjigje të mostrave ekzaminuara nga ISHP ka rezultuar pozitiv për virusin e gripit të stinës AH3N2, ka ndërruar jetë në mbrëmje të datës 11/01/2017.
Ky është rasti i katërt i konfirmuar, pas dy rasteve të raportuara në dt. 05/01/2017 dhe rastit të datës 11/01/2017 nga Ministria Shëndetësisë për persona që kanë ndërruar jetë, të cilët, përveç sëmundjeve të tjera, kanë rezultuar të prekur edhe nga virusi i gripit të stinës.”, bëhet me dije në njoftimin e Ministrisë së Shëndetësisë. (XH.A/SHUPLAKA)
Discussion about this post