Komisioni për Reformën Zgjedhore edhe sot nuk dha asnjë përfundim konkret. Opozita pas debateve për numërimin elektronik është larguar nga salla ku po zhvillohej mbledhja.
Mazhoranca nuk ka qenë dakord që në nisje të kësaj kërkese sepse sipas saj nuk ka kohë që kjo të realizohet në zgjdhjet parlamentare të 18-qershorit.
Në seancën e sotme do të hartohej një listë me pikat që ndanin palët dhe kërkonin zgjidhje.
Ndërkohë menjëherë pas kësaj Bylykbashi do të deklaronte se pa numërim elektronik nuk mund të ketë as zgjedhje.
”E theksoj me veton e sotme që është historike në 25 vite, vritet reforma zgjedhore. Dua të theksoj sot pse ky element është kaq thelbësor. Votimi elektronik shmang votimin familjar, shmang ndikimin e komisionerëve partikaë. Është qytetari i thjeshtë që shkon dhe voton, nënkupton që nuk mund të blihet me dhunë karta. Nuk do të ketë më votim të shumëfishtë. Nëse nuk ka zgjedhje të lira nuk mund të ketë as zgjedhje”, tha Bylykbashi. (E.K/SHUPLAKA)
Discussion about this post