Myftinia e Tiranës ka mundësuar një drekë për në qendrën sociale të Laprakës për të gjithë të varfrit që strehohen në 4 qendra sociale të kryeqytetit.
Myftiu Ylli Gurra e sheh këtë jo vetëm si një obligim njerëzor por edhe si një dëshirë shpirtërore.
Për shkak të të ftohtit të këtij muaji, shumë të pastrehë janë sëmurur dhe u është dobësuar imuniteti, për këtë ambulancat janë bërë pjesë e përditshme e këtyre qendrave sociale duke u dërguar raste të reja herëpashere.
Sipas raportimeve, largimi dhe rikthimi i këtyre të pastrehëve është i përditshëm. Shëndeti i këtyre 134 personave të pastrehë që ndodhen aktualisht në këto qendra, monitorohet nga mjekë dhe ambulancat.
Myftiu Ylli Gurra u bën thirrje qytetarëve dhe bizneseve për më shumë solidaritet, qoftë edhe një batanije, ngrohëse apo një vakt i ngrohtë do u shërbente shumë kësaj kategorie të popullsisë. (D.D/Shuplaka)
Discussion about this post