Autorja e aksidentit ku humbi jetën djali i mitur i ish-zv/ministrit Avenir Peka, Uarda Çota ka përfituar nga amnistia për të burgosurit. Burime për “Shuplaka” bëjnë me dije se një ndër 10 gratë e liruara sot nga burgjet në Tiranë është Uarda Çota, shkaktarja e aksidentit ku mbeti i vdekur djali i Avenir Pekës.
Aksidenti u shënua rreth orës 20:35 të 29 dhjetorit 2014 tek “Unaza e Re”, ku për pasojë humbi jetën djalli 11-vjeçar Rubin Peka. Në aksidentin tragjik mbetën të plagosur vëllai i viktimës, I. Peka, 8 vjeç, djali i dajës, A. Bylykbashi 11 vjeç dhe bashkëshortja e ish-zyrtarit, Enkelejda Peka.
Viktima ndodhej në automjetit tip “Chrysler”, ndërsa nga hetimet paraprake fajtor për aksidentin ishte mjeti tjetër tip “Benz” me targa angleze që drejtohej nga Uarda Çota.
Në atë kohë në media u raportua se autorja e aksidentit fatal për djalin e ish-zv/mininistrit, ishte në gjendje të dehur në masën 0.88 mg/litër, në momentin kur u shënua aksidenti. Rreth një vit më pas, Gjykata e Tiranës e dënoi me 5 vite burg autoren, pavarësisht kërkesës së Prokurorisë për 8 vite burg.
Lidhur me këtë ngjarje të rëndë, ish-zv/ministri i Brendshëm u shpreh kështu atë kohë: ““Më iku drita e syve. U prehsh në paqe shoku im”. (XH.A/SHUPLAKA)
(Momenti i lirimit të Uarda Çotës)
Discussion about this post