Plagosja e sotme në ish-Bllok, shënjestër ish-bashkëshorti i Hygerta Sakos

Një plagosje në orën 04:30 të mëngjesit të sotëm u shënua në zonën e ish-Bllokut, në rrugën “Ismail Qemali” në Tiranë.

Shënjestra e sulmit me armë u identifikuar si Artur Aligjoni 31 vjeç, pronar i një lokali nate në kryeqytet. Ai mbeti i plagosur përpara një pallati në zonë dhe u dërgua menjëherë në spital, ku u raportua se ishte jashtë rrezikut për jetën.

Ndërkohë që policia është duke hetuar pistën e hakmarrjes, për shkak të pagosjes dy muaj më parë të shtetasit Halim Hysa nga Artur Aligjoni, thuhet se shënjestra është ish-bashkëshorti i moderatores së njohur, ish-Missit shqiptar, Hygerta Sako.

Aligjoni dhe Sako u divorcuan në Shkurt të 2012-ës, ndërsa kujdestaria e vajzës së tyre i kaloi moderatores. Burime për një portal online kanë bërë me dije se lidhur me plagosjen e sotme janë shoqëruar në komisariat i plagosuri i dy muajve më parë dhe vëllai i tij. (XH.A/SHUPLAKA)