Kreu i Emergjencave Civile, Shemsi Prençi ka zbuluar sot disa detaje të çuditshme që ndeshin punonjësit gjatë operacioneve të shpëtimit.
Në një intervistë ndryshe në emisionin “Kjo javë”, Prençi tregon se ndonjëherë është “zënë ngushtë” nga sjellja e qytetarëve, madje ka patur edhe raste kur është ndjerë i fyer.
Prençi tregoi një nga rastet më të fundit me të cilët është ndeshur, kur pasi “Emergjencat” hapën rrugët e bllokuara nga bora në Shishtavec, qytetarët u kërkuan që shteti t’u sillte hashash.
“Një rast kur ne donim që të hapnin rrugët në veri të vendit, disa thoshin që mund të na jepni dhe hashash meqë hapët rrugët. Kjo ndodhi ne Shishtavec. Ka dhe njerëz të tillë që gjejnë kohën të merrem me këto gjëra. Me këtë çështje do merret policia. Jetojmë me shqetësimin e atyre që janë vërtet në nevojë. Nuk ka shtëpi në Malësi që mund ta gjesh në janar pa rezerva ushqimore. Nëse do binte dëborë e madhe në prill jam dakord që mund të izoloheshin, por në këtë periudhë qytetarët kanë marrë masat. Por jam dakord që ka edhe banorë që kanë nevojë vërtet për ndihma”, tha Prençi.
Discussion about this post