Publikohen pamjet nga momenti i ndalimit të trenit serb (VIDEO)

Mediat serbe kanë publikuar pamjet nga momenti i ndalimit të trenit serb në Rrashkë, nga autoritetet kosovare.

Në videot e publikuara shihet se shumë udhëtarë kanë dalë jashtë, ndërsa disa prej tyre kanë vazhduar rrugën drejt Mitrovicës duke marrë autobusë.

Treni që u nis nga Beogradi për në Mitrovicë përmbante simbole dhe parrulla nacionaliste për “Serbinë e Madhe”.

Madje në pjesën e jashtme të trenit shkruhej në shqip dhe serbisht “Kosova është Serbi”.

Autoritetet kosovare e cilësuan këtë si një provokim nga pala serbe. Për këtë arsye ata ndërmorën masa për ndalimin e trenit në kufi të Kosovës me Serbinë. (D.D/Shuplaka)