I riu shqiptar aksidentohet rëndë në Itali, bie nga çatia në orarin e punës

Një aksident i rëndë ka ndodhur në Latina të Italisë, ku një djalë i ri nga Shqipëria ka rënë nga një lartësi prej 7 metrash.

Mësohet se ky aksident i ka ndodhur shqiptarit në orarin e tij të punës.

Sipas raportimit të mediave lokale, 23-vjeçari i cili punonte për një firmë ndërtimi, po bënte disa inspektime mbi çatinë e një ndërtese të një biznesi pastrimesh kur befas ka rënë nga çatia prej xhami.

Ai është dërguar me urgjencë në spitalin Santa Maria Goretti, ku ndodhet jashtë rrezikut për jetën, ama me fraktura në të gjithë trupin. (D.D/Shuplaka)