Etrit Berisha nuk ka arritur t’i gëzohet një rezultati pozitiv ndaj ish-skuadrës së tij, Lazios, edhe pse shpresonte të fitonte në “Olimpico” përballë skuadrës që preferoi Marketin para tij. Atalanta u mund 2-1 në këtë transfertë dhe Berisha fatkeqësisht ishte ndër protagonistët negativë me një episod që vendosi ndeshjen.
Atalanta e nisi takimin në sulm dhe arriti shumë shpejt të kalonte në avantazh me anë të Petagnjas. Por Lazio dominoi më pas ndeshjen me lojë dhe raste, duke barazuar gjithçka në minutën e fundit të pjesës së parë me anë të Milinkoviç-Saviç.
Berisha bëri disa pritje spektakolare duke mbajtur në lojë skuadrën e tij, por tifozët e Lazios dhe ata të Atalantës do ta kujtojnë për penalltinë që shkaktoi në gjysmën e pjesës së dytë, kur me një dalje të pastudiuar mirë rrëzoi në zonë Immobilen.
Ky i fundit ekzekutoi saktësisht nga pika e bardhë duke realizuar golin që i dha fitoren 2-1 Lazios. (A.R/SHUPLAKA)
Lazio vs Atalanta 2-1 All Goals & Highlights HD… by denysenathan
Discussion about this post