Policia greke sekuestron 400 kg kanabis, në pranga shoferi shqiptar

Policia grekeka bllokuar dy automjete të ngarkuara me rreth 400 kilogramë marijuanë në afërsi të Artës, në Greqinë Veriore.

Policia arriti të arrestojë njërin nga shoferët pasi shoferi tjetër mundi të largohej. Shoferi i arrestuar, sipas burimeve greke, është nga Shqipëria, identiteti i të cilit nuk bëhet ende i ditur.

Lënda narkotike ishte futur nga kufiri shqiptar përmes rrjeteve të trafikut dhe kishte si destinacion Athinën.

Ndonëse këto zona janë përfshirë ditët e fundit nga reshjet e mëdha të dëborës, trafikantët e narkotikëve, sipas policisë greke, kanë shtuar aktivitetin. (A.R/SHUPLAKA)