Ministri i Punëve të Jashtme, Ditmir Bushati ka reaguar pas kërcënimeve të presidentit serb, Tomislav Nikoliç se do të dërgojë ushtrinë në Kosovë.
Përmes një njoftimi për mediat, kreu i diplomacisë shqiptare thotë se kërcënimet nuk japin asnjë zgjidhje por dy shtetet duhet të dialogojnë. Ministri i Jashtëm i quan këto deklarata fantazi të egra.
Reagim i Ministrit Ditmir Bushati në vijim të provokimeve dhe kërcënimeve nga krerët e Serbisë:
“2017 nisi ters për Europën Juglindore. Fantazitë e egra të liderëve luftënxitës të Serbisë irrituan njësoj Europën, shqiptarët dhe serbët.
Në përvjetorin e masakrës së kryer nga Serbia në #Raçak #Kosovë, kjo mbrojtje e agresionit është e papërgjegjshme dhe e turpshme.
Tonet e larta të pajustifikuara duhet të ulen e të qetëson dhe arsyeja duhet të mbizotërojë. Kërcënimet dhe retorika nxitëse e liderëve të Serbisë nuk çojnë asgjëkundi”.
Pas mbledhjes së Këshillit Kombëtar të Sigurisë në Beograd, presidenti serb Nikoliç u shpreh para mediave se Serbia është e gatshme të dërgojë ushtrinë në Kosovë nëse cënohet jeta e serbëve që jetojnë atje. (A.R/SHUPLAKA)
Discussion about this post