Një i ri është vënë në prangat e Policisë së Tiranës nën akuzën e vjedhjes. Preng Luka 22 vjeç, banues në Tiranë, dyshohet se është autori i vjedhjes së dy netëve më parë i një kioske në Bulevardin “Dëshmorët e Kombit”.
I riu akuzohet se arriti të vjedhë shumën monetare prej 24.000 lekë të reja. Mbi të rëndon edhe akuza e vjedhjes së kryer në bashkëpunim më 4 janar 2017.
Nga informacionet e kryera, ka rezultuar se 22-vjeçari së bashku me një person tjetër i ka marrë me forcë shtetasit M. D. telefonin e markës “Samsung” dhe orën e dorës së markës “Pateke Filip”. Ngjarja ka ndodhur në rrugën “Egnatia” në datën 04.01.2017.
Materialet për këtë rast i kaluan Prokurorisë së Tiranës për veprën penale “Vjedhje me dhunë”.
Detaje të Policisë së Tiranës:
Më datë 15.01.2017, Specialistët e Komisariatit të Polcisë Nr 3, kanë arrestuar shtetasin: – Preng Luka, 22 vjeç, banues në Tiranë Ky shtetas më datë 14.01.2017, rreth orës 21:55, dyshohet se në Bulevardin “Dëshmorët e Kombit”, ka kryer vjedhjen me dhunë të një kjoske, ku ka arritur të marrë shumën monetare prej 24.000 lekë të reja. Gjithashtu nga hetimet e kryera ka rezultuar se ky shtetas është autor i dyshuar i vjedhjes së ndodhur më datë 04.01.2017, në rrugën Egnatia, ku në bashkëpunim me një shtetas tjetër i ka marrë me forcë shtetasit M.D., telefonin e markës “Samsung” dhe orën e dorës të markës “Pateke-Filip”. Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Vjedhje me dhunë”, parashikuar nga Neni 139 i Kodit Penal.
(XH.A/SHUPLAKA)
Discussion about this post