Peza i tensionuar shpjegohet para kamerave: Më kanë zili, asnjë gazetar nuk erdhi të më pyeste

Deputeti dhe ish gazetari Alfred Peza, ka dalë para kamerave, i tensionuar, për të dhënë shpjegime lidhur me reagimet e fundit në media dhe politikë lidhur me akuzat për 1 miliard lekë, që ai dhe bashkëshortja e tij i kanë përdorur për blerjen e aksioneve në një bankë të nivelit të dytë.

Ai shtoi se kur ishte në media të gjithë e adhuronin, ndërsa tani po e sulmojnë.

“Çfarë nuk do dëgjosh, kur e ke bishtin ta heqin, kur nuk e ke ta vënë. Kjo ka ndodhur edhe me historinë time, nuk është një betejë me të vërtetën”, tha ai ndërsa sqaroi se i gjithë sulmi bëhet për arsye politike, duke shtuar se,

“Alfred Peza kur ishte në media ishte nga më të adhuruarit, gazetar nga më të kërkuarit, analist”. Në 4 ditë vetëm foli politika, nuk tha asgjë, nuk tregoi asnjë letër, asnjë dokument, asgjë. Nuk ishte vetëm një betejë politike është më shumë se politike, nuk ishte asnjë betejë morale. Se po të ishte kështu ju gazetarët shkoni të paktën tek zyra e drejtorit tuaj dhe pyesnit pse e ka pasur 10 milionë lekë rrogën Vizion Plus, pse fitonte mijëra euro kur ishte tek Ora News, pse fitonte kur punonte tek Klan, Shekulli, Top Media sa e kishte rrogën. Kjo qënka betaje e ziliqarëve për lekët e mia”, sqaroi ai.

“Është beteja e ziliqarëve për paratë e mia. Zilia është njerëzore dhe unë I kuptoj të gjithë ziliqarët për paratë e mia, por nuk i justifikoj dot sepse është bërë një betejë. Ju mund të më kishit kontaktuar, kolegun tuaj, askush nuk I ka dërguar një sms unë si gazetar i vjetër, do ju kisha pritur se kisha bërë gati edhe dokumentat. Mirela Ndini, bashkëshortja ime e ka që nga viti 2014 pjesë e deklarimit të pasurisë, jua kisha bërë gati. Pse nuk erdhi asnjë gazetar, asnjë kolegu im?”, tha deputeti i PS-së para kamerave.

 
“Do doja tjua jepja sot këto dokumente por kur je nën hetim nuk mund ti dorëzosh publikisht. Jam 50 vjeç kam filluar të punoj që në 1989. Ka mbaruar shkollën në 1994 dhe kemi 30 vjet që punojmë. Ishte 30 vjeç, kishte punuar 4 vjet dhe a e di çfarë ka deklaruar? Mbi 1 milion euro, 300 mijë më shumë se ne, ne kemi më shumë, ishte i adhuruar, gazetar i mirë”, tha ndër të tjera Peza.

Pak ditë më parë u publikuan dokumentet ku tregohej se bashkëshortja e deputetit Alfred Peza kishte blerë aksione në një bankë të nivelit të dytë në vend. Sipas deputetit, paratë, rreth 1 miliard lekë, vinin nga kursimet e tij dhe të bashkëshortes së tij. (A.R/SHUPLAKA)