Itali, shqiptari masakrohet nga 6 persona për një celular dhe 40 euro

Një shqiptar është dhunuar barbarisht me shkelma, grushte e goditje me një copa qelqi në Itali.

Ngjarja ka ndodhur në Genova, ku shqiptari në gjendje të dehur kishte kërkuar ndihmë tek disa të rinj, por 6 persona e kanë goditur atë duke i grabitur një celular dhe 40 euro.

Shqiptari kishte mbërritur me tren, ndërsa kishte humbur stacionin për të zbritur në Sampierdarena. Të rinjtë e kanë përqeshur 30 vjeçarin shqiptar dhe më pas e kanë dhunuar atë.

Shqiptari, emri i të cilit nuk bëhet i ditur, ka përfunduar në spitalin Villa Scassi ku do të qëndrojë për 20 ditë.

Policia italiane ka arrestuar njërin prej agresorëve, një 18 vjeçar ndërsa është në kërkim të shokëve të tij. (A.R/SHUPLAKA)