Në një intervistë për agjensinë prestigjoze të lajmeve Reuters, presidenti i Kosovës Hashim Thaçi ka akuzuar Serbinë se po kërkon të aneksojë Veriun e Kosovës, ashtu siç bëri Rusia me Krimenë.
Presidenti i Kosovës, Thaçi, ka thënë se treni ka pasur qëllim t’i “provokojë” kosovarët, për të krijuar një pretekst për Serbinë që të ndërhyjë ushtarakisht dhe të ankesojë zonat veriore të Kosovës, ku jetojnërreth 50.000 serbë, të cilët refuzojnë të pranojnë qeverinë e Prishtinës.
“Qëllimi i Serbisë është ta përdorë këtë tren, që i është dhuruar nga Rusia, fillimisht për të shkëputur pjesën veriore të Kosovës, dhe më pas për t’ia bashkëngjitur atë Serbisë. Ky është modeli i Krimesë”, ka thënë Thaçi për Reuters.
Ai i është referuar Krimesë, ku është e përqendruar flota ruse e Detit të Zi, dhe ku banojnë kryesisht rusë, të cilët, pas shpërbërjes së Bashkimit Sovjetik më 1991, kanë vazhduar t’i qëndrojnë besnikë Moskës, dhe jo qeverisë së re të pavarur në Kiev. (A.R/SHUPLAKA)
Discussion about this post