Studentët që vijojnë studimet në universitetet publike duhet që të kryejnë pagesën e tarifës së shkollimit për vitin akademik që po ndjekin.
Lidhur me këtë, universitetet kanë përcaktuar afate të ndryshme për datën e fundit të pagesës. Universiteti i Mjekësisë ka përcaktuar datën 10 shkurt, datë të fundit të pagesës së tarifës së shkollimit, si për studentët e ciklit të parë dhe për ata të ciklit të dytë.
“Sa i përket tarifës në këtë universitet, ajo nuk ka pësuar rritje, por është në nivelin e vitit akademik 2015-2016.”, njofton “GSH”.
Për studimet e ciklit të parë tarifat variojnë nga 35 mijë lekë deri në 45 mijë lekë në vit. Tarifa për një program të dytë studimi, (e cila për të gjitha programet është e njëjtë) është 233.916 lekë në vit.
“Njoftohen të gjithë studentët e Fakultetit të Mjekësisë në programet e studimit Mjekësi e Përgjithshme, Farmaci, Bachelor në Shëndet Publik, Master Shkencor dhe Master Profesional në Shëndet Publik, se tarifa e shkollimit për vitin akademik 2016-2017 duhet të paguhet gjatë periudhës 16.01.2017 deri 10.02.2017. Faturën për arkëtim mund ta printoni në linkun: http:/ /ëëë.fakultetimjekesise. edu.al/mandate-arketimi2 dhe pagesa mund të bëhet në çdo bankë. Dy kopje të faturave të marra nga banka pas arkëtimit të pagesës duhet të dorëzohen në sekretarinë mësimore”, citohet në njoftimin Fakulteti i Mjekësisë. (XH.A/SHUPLAKA)
Discussion about this post