Në letrën drejtuar vetes 18-vjeçare për revistën ‘Vogue’, e famshmja Victoria Beckham kujton si një nga momentet më të bukura dhe vendimtare në formimin e saj, angazhimin në grupin muzikor ‘Spice Girls’.
Por pas këssaj ndarjeje të grupit marrëdhënia mes anëtareve të saj nuk është edhe aq paqësore. Pas lajmit që ky grup mund të ribashkohet, pra të treja vajzat e grupit Geri Horner, Mel B dhe Emma Bunton, përveç Victorias, në një tur ku do të këndonin të gjitha hitet e Spice Girls, kjo e fundit po përdor çdo mjet ligjor që ka në dorë për t’i ndaluar.
“Vajzat janë të shkatërruara. Është shumë e dhimbshme që gjërat të përfundojnë në këtë mënyrë. Victoria ishte një pjesë e rëndësishme e jetëve të tyre dhe tani po përdor avokatët e saj për të penguar rikthimin e tyre.“Victoria është krenare për historinë e saj me Spice Girls, por kjo sjellje e saj nënkupton se dëshiron të ndërpresë çdo lidhje me grupin që i transformoi jetën”, u shpreh një burim për ‘The Sun’. Beckham këmbëngul se dëshiron që treshja të fillonte nga zero, të krijojë një grup të ri dhe këngë të reja.
Në një intervistë për ‘The Sunday Times’, Beckham pranoi se mbështeste rikthimin e tre vajzave, por kërkonte që të krijonin muzikë të re. “Sigurisht, si një grup i ri, i uroj fat. Por mendoj se duhet të këndojnë materiale të reja, sepse ajo që bëmë si ‘Spice Girls’ ishte shumë e veçantë. Nëse do të këndonin këngët tona, do mërzitesha,”tha 42-vjeçarja. (J.V/Shuplaka)
Discussion about this post