Serbët i kundërvihen presidentit: Nikolic, ti shko në luftë, neve na lër në paqe (Foto në brendësi)

Treni serb me mbishkrime propogandiste që u cilësua si provokim nga Kosova, ka shtuar tensionin mes Kosovës dhe Serbisë. Lidhur me këtë ngjarje, presidenti serb ka vazhduar me provokimet e tij ndaj Kosovës duke u shprehur se Kosova i është grabitur Serbisë dhe do të bëhet çdo gjë për ta rimarrë.

Në vazhdën e këtyre zhvillimeve, qytetarët serbë kanë dalë kundër presidentit të tyre. Në një artikull të botuar nga gazeta serbe “Blic”, shkruhet: “Serbët urdhërojnë Nikolic: Z. President, ju shkoni në luftë, ne le të vazhdojmë në paqe”.

Me këtë mesazh, ata shprehen kundër luftës. Ky reagim i qytetarëve serbë vjen pas deklaratës luftënxitëse të Presidentit të Serbisë, i cili kërcënonte se do të dërgonte ushtrinë serbe.

Në vijim të artikullit të gazetës serbe shkruhet: “A nuk kemi mjaft jetë të humbura, persona të zhvendosur, shpirtra të përvuajtur, të rinj të thyer?”. Referuar qytetarëve të intervistuar, presidenti duhet t’i jepte përgjigje këtyre pyetjeve përpara se të bënte atë deklaratë. (XH.A/SHUPLAKA)