Në Zog të Zi një polic ka ndaluar sot një shofer por arsyeja është absurde. Në gjobën e lëshuar, polici shkruan se arsyeja e gjobës është mungesa e rripit të sigurimit, por është vetë shoferi ai që nxjerr zbuluar policët duke i filmuar me celular. Drejtuesi i mjetit pretendon se ka pasur gjatë gjithë kohës të vënë rripin e sigurimit, siç edhe duket në videon e të publikuar nga Jeta Osh Qejf.
Në fillim të videos, dëgjohet një police e cila shprehet se ndalimi është bërë për shkak të përdorimit të celularit, gjë e cila gjithashtu mohohet nga shoferi. Ky i fundit habitet kur merr gjobën, pasi arsyeja e saj është mungesa e rripit të sigurimit.
Ja çfarë shkruan ai, teksa nis në redaksinë tonë videon e mëposhtme: “Mund të publikoni këtë video ju lute. Unë jam me rrip sigurimi dhe polici më vendos gjobën. Vetëm të mjerët ne me këtë shtet që kemi që paguajnë gjobat që venë policët si t’u teket atyre. Të lutem publikoje sot në mëngjes në Zogu i Zi”. (J.V/Shuplaka)
Discussion about this post