Kryetari i bashkisë së Pukës Gjon Gjonaj, ka reaguar pas akuzave të opozitës se Puka ka kaluar dimër të vështirë për shkak të lënies pas dore nga qeveria dhe pushteti lokal.
Sipas Gjonajt, akuzat e Sekretarit për aksionin qytetar në Partinë Demokratike, Ervin Salianji, janë shpifjet e radhës së opozitës.
Ai shton se qytetarët e Pukës po e kalojnë më lehtë këtë dimër, madje arrijnë ta bëjnë mjaft mirë diferencën mes situatës aktuale dhe dimrave kur bashkia drejtohej nga demokratët.
“Gjatë gjithë kësaj situate kemi qen dhe jemi në gadishmëri 24 orë në shërbim të lehtësimit të jetës së qytetarve. Salianji ti thot shqiptarve se pukjanët e pan, se me çfar automjeti erdhi, nese u bllokua dikund në rrugë dhe nese ju desh që të përdorte zinxhirë. Përbaltja e PD-së e cila e po mashtron hapur duke krijuar situata që nuk ekzistojne nuk mund të genjejë pukjanët të cilët në kohën e PD-së vuanin të ecnin në këmbë përgjatë rrugëve të qytetit e jo më të lëviznin me automjete.
Bashkia Pukë jo vetëm që nuk la qytetin për asnjë moment të bllokuar, por ka hapur në kohë rekord rrugët e të gjith fshatrave. Dhe cila është diferenca e jonë me atë të Partisë së Salianjit. Nëse gjatë kohës kur bashkinë e Pukës e qeveriste PD kishte njerëz që pësonin fraktuara si pasojë e ngricave në rrugë sivjet nuk ka, nëse bashkia e Partisë që përfaqëson Salianji harxhonte 5 milion leke, të rinjë për zhbllokimin e rrugve të qytetit, këtë vit jo vetëm që nuk është hedhur tender, por nuk është harxhuar asnjë lek.
E gjitha është bërë me karburantin që kursyem gjatë vitit dhe nuk rënduam buxhetin në shërbim të qytetarve.”, shprehet Gjonaj.
Më pas, Kryetari i Bashkisë shton se PD që më parë i ka zhgënjyer qytetarët e Pukës me keqqeverisjen, tashmë kërkon t’i joshë me mashtrime të tjera. (D.D/Shuplaka)
Discussion about this post