Personazhet e njohur mund të përfitojnë lehtësira dhe të mos qëndrojnë në radhë si qytetarët e zakonshëm kur kanë për të kryer ndonjë punë. Kjo mund të ndodhë në Shqipëri, por jo në Argjentinë.
Në shtetin e Amerikës së Jugut mund të të rrahin në sy të të gjithëve nëse kalon pa radhë edhe nëse je personazh i njohur.
E njëjta gjë i ka ndodhur aktorit Federico Bal, i cili është dhunuar nga qytetarët në një nga pikat e McDonald në Cordoba, pasi u akuzua se kaloi pa radhë.
27-vjeçari tentoi të injoronte radhën e gjatë të njerëzve në Fastfood meqë ishte i njohur, por kjo nuk u durua dot nga njerëzit përreth që prisnin. Aktorin e hedhin në tokë dhe e grushtojnë, ndërsa kanë ndërhyrë forcat e sigurisë.
“Doja të blija hamburger për miqtë e mi dhe disa fëmijë nisën të bërtisnin që unë hyra pa radhë, dhe se ishin para meje. I kërkova të qetësoheshin, por ata më goditën nga mbrapa, në kokë,” tha aktori Federico Bal. (A.R/SHUPLAKA)
Discussion about this post