Trajneri i Kombëtares së femrave U-19, Armir Grima ka folur rreth shortit të sotëm për kualifikueset e botërorit që do të zhvillohet në Francë 2019.
Sipas Grimës grupi i dalë nga ky short më i vështiri, por pavarësisht kësaj ai shprehet se skuadra do bëjë të pamundurën për t’u kualifikuar.
Midis të gjithave skuadra, trajneri veçon atë të Kosovës. Sipas tij, më e veçanta e këtyrëve kualifikueseve do jetë pikërisht përballja mes dy skuadrave shqiptare.
“Unë kam besim dhe ne do të bëjmë ç’është e mundur që të kualifikohemi për më tej. Desha të evidentoj faktin që një përballje shumë emocionuese do të jetë ajo me Kosovën, e cila është në grupin tonë, grup që gjithsesi e konsideroj shumë të vështirë, por ne do bëjmë çmos të kalojmë më tej”,- u shpreh Armir Grima.
Takimet eleminatore do të luhen në vendin tonë në datat: 6, 8 dhe 11 prill. Katër fitueset e çdo grupi dhe skuadra e dytë me bilancin më të mirë ndaj kryesueses në grupin e vet do të kualifikohen në raundin e dytë, ku do të hidhet një tjetër short. (K.P/Shuplaka)
Discussion about this post