Donald Trump do të marrë nesër zyrtarisht postin e presidentit të Shteteve të Bashkuara të Amerikës. Por ka shumë shqetësim lidhur me kodet e armëve bërthamore që i mban vetëm kreu i “Shtëpisë së Bardhë”.
Shumë ekspertë kanë ngritur shqetësimin dhe kanë kërkuar që Trumpit të mos t’i dorëzohen këto kode pasi mund të vendosë në rrezik sigurinë kombëtare.
Por kur i merr Trump këto kode?
Sipas rregullit, ai i merr kodet ditën që bëhet inaugurimi i tij si president, pra nesër.
Një njësi e panjohur ushtarake do e shoqërojë Presidentin Barack Obama gjatë ceremonisë së dorëzimit ditën e nesërme. Ata do të mbajnë valixhen e cila mban brenda copën digjitale të pajisjeve, të njohur si “biskota” dhe do ia kalojë atë Donald Trumpit.
Do zhvillohet një konferencë private për presidentin për mënyrën se si t’i aktivizojë ato.
Cristina Varriale, një analiste hulumtuese në përhapjen dhe politikën bërthamore në Institutin e Shërbimeve të Bashkuara Mbretërore tha për “The Independent” se “që nga momenti që ai do inaugurohet president i Shteteve të Bashkuara, Trump do të ketë qasje në kodet bërthamore”.
Çfarë mund ta ndalojë atë së përdoruri ato?
“Në teori presidenti ka liri të plotë për autorizimin e përdorimeve bërthamore, megjithatë në praktikë, lëshimi varet nga faktorë të tjerë, duke përfshirë edhe një element të rëndësishëm si njeriu”, shtoi Varriale. (A.R/SHUPLAKA)
Discussion about this post