Koalicioni PS-LSI? Ngjela: I pamundur, PDIU i hoqi forcën politike Metës

I ftuar në emisionin “Top Story”, avokati Spartak Ngjela është shprehur se e sheh të pamundur një koalicion PS-LSI në zgjedhjet e 18 qershorit.

“LSI nuk ka asnjë mundësi që të bëjë koalicion me PS. Shenjat janë që nuk mund të ketë më koalicion. Nuk besoj që të kemi një koalicion PS-LSI”, u shpreh kreu i partisë Ligj dhe Drejtësi.

Avokati mendon se PDIU krijoi një ekuilibër të ri brenda aleancës: “Nuk lejoi që të krijohej krizë brenda mazhorancës. Ka ndihmuar në shumë probleme. I hoqi forcën politike Metës, që i ra në funksion të reformës në drejtësi”.
 
Sipas Ngjelës, nga largimi i LSI-së, PS dhe koalicioni do të rritej me të paktën 7% në krahasim me 2013-n.

“Jam i bindur që minimumi që PS dhe koalicioni në 2013 ka humbur rreth 7 përqind ngaqë ka afruar Metën”, u shpreh ai.

Sipas Ngjelës, në këto zgjedhje Kryeministri Rama do të përballet me shumë kundërshtarë, edhe brenda mazhorancës. (A.R/SHUPLAKA)