Kryetari i Partisë Demokratike Lulzim Basha po vijon me takimet e tij në Wahington. Dje ai ka takuar Presidentin e Fondacionit Heritage Jim DeMint. Basha dhe DeMint kanë folur për reformat dhe shmangien e monopoleve në ekonomi.
”’Dje pata një drekë pune me Presidentin e Fondacionit Heritage, Zotin Jim DeMint. Folëm për reformat për çlirimin e ekonomisë shqiptare nga monopolet, oligopolet e klientelizmi dhe krijimin e një ekonomie të vërtetë tregu. Mora premtimin e Presidentit DeMint se në këto përpjekje do të kemi ekspertizën dhe mbështetjen e Fondacionit Heritage.
Heritage është një ndër institucionet më të rëndësishme amerikane të studimit të politikave publike, i cili harton çdo vit Indeksin e Lirisë Ekonomike në Botë, treguesi kryesor për matjen e lirisë ekonomike në mbi 186 vende. Ekspertiza e Heritage do të jetë një ndihmë e çmuar për Shqipërin”, shkruan Basha. (E.K/SHUPLAKA)
