Përkeqësohet bilanci i zjarrit që nisi një orë më parë te zona e ”Thesarit” në Tiranë. Nga zjarri ka humbur jetën një person, që sipas banorëve është një vajzë e re, e identifikuar si E. D. 29 vjeçe. Nga banorët mësohet se e reja ka dhe një fëmijë të vogël, ndërkohë që burri i saj është emigrant në Gjermani. Trupi i saj dyshohet të jetë karbonizuar. Nga burimet e pranishme në zonë mendohet se ka të tjerë persona të lënduar nga zjarri.
Në vendngjarje përveç automjeteve zjarrëfikëse kanë mbërritur edhe forca të shumta policore. Për fikjen e zjarrit ka qenë e vështirë të punohet pasi ka qenë në ambjentet e papafingos dhe ashensorit.
Detajet e policisë:
Më datë 20.01.2017, rreth orës 10:00, në rrugën”Muhamet Deliu”, në një pallat, ka rënë zjarr në kollonën e ashensorit, ku në brendësi të kabinës së ashensorit është gjetur i vdekur një person i cili dyshohet të jetë karbonizuar. Shërbimet e policisë kanë bërë të mundur evakuimin e gjithë banorëve të pallatit. Grupi hetimor po punon për identifikimin e viktimës dhe gjetien e shkakut të zjarrit.(E.K/SHUPLAKA)
Discussion about this post