Për këdo që do marrë pjesë në ceremoninë e inagurimit të presidentit të SHBA-ve, Donald Trump do ketë një rregull strikt: nuk mund të përdorin telefonat. Kjo për çështje sigurie, gjatë ceremonisë. Rregulla strikte pati dje edhe gjatë koncertit.
Por çfarë po ndodh me pjesëmarrësit shqiptarë në Washington? Përveç Metës dhe Bashës e disa politikanëve të tjerë, në SHBA ndodhen edhe disa të rinj demokratë. Mes tyre është edhe Enri Çeno. Ata kanë takuar kongresmenët Trey Hollingsëorth, Ted Yoho dhe Matt Gaetz.
”Prej disa ditësh jam në Uashington DC bashkë me kolegë të Partisë Demokratike dhe pjesëtarë të Departamentit të të Drejtave të Njeriut, i ftuar nga RightVoters për të marrë pjesë në ceremoninë e inaugurimit të Presidentit Donald J. Trump.
Ndihem jashtëzakonisht i prekur dhe mirënjohës nga mikpritja e miqve amerikanë, të cilëve u kthyem vizitën pas ardhjes së tyre në Tiranë.
Lajmet që mund t’ju jap janë të mira. Miqtë amerikanë kanë njohuri befasuese për vendin tonë. Asgjë nuk është tronditur në thelbin e marrëdhënies së tyre me Shqipërinë, edhe pse qeveria jonë e rradhës ka bërë gjithçka për ta dëmtuar atë.
Me drejtuesit më të lartë republikanë u ndalëm për të diskutuar në hollësi problemet e Shqipërisë: kapjen e shtetit, kapjen e mediave, kapjen e drejtësisë, kapjen e shoqërisë civile.
Miqtë amerikanë na siguruan me forcë se nuk jemi të vetëm në zgjidhjen e problemeve tona.
Kongresmenët Trey Hollingsworth, Ted Yoho, Matt Gaetz, Bob McEwen na dhanë të gjithë kohën dhe mundësinë për të dhënë informacion, për t’i njohur me Shqipërinë, për të shkëmbyer mendime dhe ide.”, shkruan Çeno. (V.G/SHUPLAKA)
[ngg_images source=”galleries” container_ids=”859″ exclusions=”4260″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
