Kryeministri Edi Rama nuk nguroi as në takimin përkujtimor me familjarët e viktimave të 21 janarit të fliste për sukseset e qeverisë së tij. Ai u foli atyre për Drejtësinë e munguar për shkak të gjyqësorit të korruptuar, po sërish nuk ju dha një datë se kur mund të realizohet drejtësia.
Madje përpara tyre Rama foli dhe për Reformën në arsim apo shëndetësi, nuk harroi të përmendte as energjitikën edhe pse këto reforma nuk do të sjellin sërisht drejtësinë e shumëpritur të familjarëve.
”Kemi bërë reforma që mund të hanë diskutim nëse mund të bëheshin më mirë, nëse mund të jepnin rezultate më të shpejta, mund të kishin rezultate më të mira, po nuk ka diskutim që janë reformat të rëndësishme për vendin.
Problemi i madh që ne kemi sot, është se ne nuk debatojmë për opinione të ndryshme po me fakte të ndryshme. Një palë flet për katër të vrarë nga plumbat e shtetit një palë fliste për çadra pistoletë.
Faktet thonë që Shqipëria ishte për herë të parë eksportuese e energjisë, ndërkohë që faktet e tjera thonë që është rritur çmimi i energjisë, gjë që nuk është fare e vërtetë.
Ne sot kemi 27 mijë nxënës në arsimin professional nga 3 mijë që kishte në fillim. Na thuhet se ne kemi dhënë koncesione për klientët, ndërkohë që ne kemi mundësuar gjëra që më parë ishin të paimagjinueshme. Njerëzit nuk paguajnë asgjë për shëndetësinë ky është fakti.
Qeveria sot është në anën e duhur të historisë dhe për 21 janarin, kjo qeveri nuk e përdor pushtetin kundër fëmijëve të tyre”, tha Rama ndër të tjera. (E.K/SHUPLAKA)
Discussion about this post