Zbulimi i një hajduti aksesorësh automjetesh ka zbuluar bandën e grabitjeve në Tiranë. Policia njofton se në kuadër të operacionit të koduar ‘Navi” ka vënë në pranga shtetasin Indrit Zeqo, 36 vjeç, banues në Tiranë dhe ka shpallur në kërkim dy bashkëpunëtorët e tij.
Sipas policisë, i arrestuari, më datë 19.01.2017, rreth orës 20:30, ka tentuar të vjedhë navigatorin e automjetit tip “Mercedezs Benz”, por është pikasur nga pronari i automjetit shtetasi A. K., të cilin e ka goditur me mjete të forta.
Menjëherë pas lajmërimit tek numri i emergjencave 112, kanë shkuar Shërbimet e Policisë së Komisariatit Nr 1, të cilët kanë bërë të mundur kapjen në flagrancë të Ingrit Zeqo, ku me vete i janë gjetur tre kaçavida dhe një palë doreza. Gjithashtu është bërë shpallja në kërkim e bashkëpuntorit të shtetasit të lartë përmendur:
– A. P., 25 vjeç, banues në Tiranë Këta shtetas në bashkëpunim me njëri – tjetrin vidhnin sensor, navigatorë, pasqyra dhe aksesorë të tjerë automjetesh, të parkuara në zona të ndryshme të Tiranës.
Këta shtetas në bashkëpunim me njëri – tjetrin vidhnin sensor, navigatorë, pasqyra dhe aksesorë të tjerë automjetesh, të parkuara në zona të ndryshme të Tiranës. Aksesorët e automjeteve të vjedhura, shtetasit e lartë përmendur ia shisnin shtetasit:
– O. Ç, 33 vjeç, banues në Tiranë.
Ky shtetas është arrestuar në flagrancë, pasi në servisin e tij në zonën e “Brakës”, i janë gjetur dhe sekuestruar në cilësinë e provës materiale: 8 navigator, automjetesh të modelit “Mercedes Benz”.
29 copë pjesë kroskoti (skatulla), automjetesh të modelit “Mercedes Benz”.
18 skatulla pasqyrash pa xham, automjetesh të modelit “Mercedes Benz”. 1
1 pasqyra, automjetesh të modelit “Mercedes Benz”. 2 timona me airberg, automjetesh të modelit “Mercedes Benz”.
11 stopa, automjetesh të modelit “Mercedes Benz”. 3 fenerë, automjetesh të modelit “Mercedes Benz”.
9 sensorë parkimi, automjetesh të modelit “Mercedes Benz”. 3 motor pasyrash, automjetesh të modelit “Mercedes Benz”.
Aksesorët e lartë përmendur dyshohet se janë nga automjetet e vjedhura nga shtetasit I. Z. dhe A. P., të cilët dyshohen të jenë autor të disa vjedhjeve në zona të ndryshme të Tiranës. (E.K/SHUPLAKA)
