77 kg drogë në kufirin greko-shqiptar, Greqia arreston dy trafikantët shqiptarë

Një sasi prej 77 kilogramë lëndë narkotike marijuanë është sekuestruar së fundmi nga policia greke dhe dy shqiptarë kanë përfunduar në pranga.

Sasia e konsiderueshme e marijuanës mësohet se u gjet në kufirin greko-shqiptar në Janinë, pranë lumit të Zaravinës.

Veç lëndës narkotike që është sekuestruar, policia greke ka vënë në pranga edhe dy shtetas shqiptar.

Identitetet e tyre ende nuk dihen, por mësohet se janë të moshave 30 dhe 33 vjeç.

Dy shqiptarë të tjerë u vunë së fundmi në prangat e policisë italiane, të cilët u kapën në flagrancë teksa do të trafikonin 1.3 ton kanabis të fshehur në skaf. (XH.A/SHUPLAKA)