Kryetari i Partisë Demokratike Lulzim Basha i është kundërpërgjigjur Kryeministrit Edi Rama pas kritikave të këtij të fundit gjatë “komunikimit javor” në Facebook.
Në një status në Facebook, Basha ironizon Ramën për 300 mijë vendet e punës që premtoi të hapte dhe tani ka filluar të merret me programin e Partisë Demokratike.
“Pasi e qau programin e vet me 300 mijë vende pune dhe shëndetesi falas tani lideri global po merret edhe me programin e opozitës. Ti thote dikush: fol më ngadalë kur flet për zgjedhjet se të merret fryma…”, shkruan Lulzim Basha.
Gjatë komunikimit në Facebook, Kryeministri Rama u shpreh skeptik për votimin elektronik në zgjedhje dhe nisi të kritikonte programin e opozitës.
“Cila është një arsye e vetme që Shqipëria të kthejë qeverinë e vjetër në pushtet, qoftë nëpërmjet elektronikës, qoftë nëpërmjet të frymës së shenjtë, qoftë në kuti. Humbjen e tyre do të vazhdojnë ta quajnë fitore të grabitur. Pse korçarët, dibranët, kolonjarët apo të gjithë shqiptarët duhet ta votojnë qeverinë e vjetër në zgjedhjet e qershorit? Mos opozita ka një lidership të ri është më i votuar dhe më i besueshëm se ai që u nxor nga dera e qeverisë në 2013 me 1 milionë vota? PD ka një kryetar të ri por jo një lidership të ri. Vetë demokratët që votuan për PD në 2013-ën, kanë sot më pak arsye për të besuar te lidershipi i tyre”, deklaroi Rama. (A.R/SHUPLAKA)
Discussion about this post