Tragjedia e autobusit me 16 viktima në Itali, mësuesi hero shpëtoi nxënësit, por humbi dy fëmijët e tij

Dy ditë më parë, një aksident i rëndë u raportua në Itali ku humbën jetën 16 persona dhe u plagosën 36 të tjerë.

Në bordin e autobusit që u përfshi nga flakët ishin fëmijë që ktheheshin nga një ekskursion shkolle në Francë.

Por kjo histori tragjike me autobusin hungarez mbart me vete edhe një histori heroizmi të mësuesit György Vigh, mësuesi i edukimit fizik, i cili udhëtonte me bashkëshorten Erica, djalin Balazs dhe vajzën adoleshente Laura, në autobusin që u përfshi nga flakët.

György Vigh, mësues në shkollën Szinyei Merse Pál në Budapest, së bashku me bashkëshorten shpëtuan dhjetëra nxënës të shokuar nga aksidenti, të cilët nuk mundeshin të lëviznin. Por fatkeqësisht, çifti nuk mundi të shpëtonte fëmijët e tyre.

 Erica ka treguar se vajza e tyre ishte ulur më të dashurin dhe në momentin e aksidentit ata po flinin. Pavarësisht përpjekjeve të saj për të gjetur vajzën, ajo nuk mundi ta shpëtonte për shkak të flakëve. Edhe djali 30 vjecar i çiftit, Balazs, është mes viktimave të zjarrit. (XH.A/SHUPLAKA)