Një qytetar ka 20 ditë që pret të marrë një certifikatë dhe për 20 ditë rresht atë e kthejnë nën pretekstin se nuk ka pullë.
Siç e shikoni në video, ndësa qytetari e pyet se si është e mundur kjo dhe si shpjegohet që disa qytetarë të tjerë i marrin certifikatat, punonjësa pa e vrarë aspak mendjen, i kujton të riut se në fakt ata qytetarë i kanë blerë pullat te një Qendër tjetër Civile. Kjo e pa tolerueshme për një institucion publik, shkuan Jeta Osh Qejf.
“Përshëndetje JOQ! Po ju shkruaj për një problem që kemi hasur te gjendja civile. U bë një muaj që kërkojmë një certifikatë dhe na thonë që ska pulla. Ndërkohë që ka qytetarë që ju japin këto certifikata me pulla. Dhe vetë punonjësja më thotë se ata e blejnë vetë pullën se ka miq te postat e tjera. A është e ligjshme kjo gjë?”, ankohet qytetari. (J.V/Shuplaka)
