20 euro për të shmangur gjobën, arrestohet fieraku në Vlorë

Antonio Doksani 23 vjeç, banues në Fier, është vënë në prangat e Policisë së Vlorës, pas tentativës për të korruptuar policin e Rrugores.

Ai tentoi t’i jepte 20 euro rryshfet efektivit për të shmangur masën administrative pasi drejtonte automjetin tej shpejtësisë së normave të lejuara.

Detaje të Policisë së Vlorës:

Goditet një rast i mitdhënies ! I ofron ryshfet punonjësit të policisë rrugore për të shmangur masën administrative, arrestohet në flagrancë drejtuesi i mjetit.

Më datë 23.01.2017, Sektori për Hetimin e Krimit Ekonomik e Financiar në bashkëpunim me Sektorin e Policisë Rrugore, kanë bërë të mundur arrestimin në flagrancë të shtetasit: – Antonio Doksani, 23 vjeç, banues në Fier.

Arrestimi i tij u bë pasi u kap në flagrancë në hyrje të autostradës së Vlorës, pasi ky shtetas duke drejtuar mjetin e tij tip Volksëagen Golf 5, ka tentuar ti japë 20 euro punonjësit të policisë së qarkullimit rrugor, me qëllim që ti shmangej masës administrative pasi po drejtonte mjetin jashtë normave të lejuara të shpejtësisë.

(XH.A/SHUPLAKA)