Televizioni Ora News ka paditur AMA-n në Gjykatën Administrative për të kërkuar barazinë dhe jofavorizimin e kompanive në procesin e dixhitalizimit dhe masën e sigurisë për bllokimin e procesit nga AMA, deri në përfundim të gjykimit.
Në seancën e zhvilluar sot, mësohet se “Ora News-it” i rrëzohet kërkesa për masën e sigurisë, pasi institucionet dhe procesi nuk mund të bllokohen.
Pra, Gjykata Administrative i ka rrëzuar njërën nga paditë, atë të masës së sigurisë.
Pika tjetër e padisë kërkonte që AMA të shpallej në konflikt interesi me vendimin për bllokimin e transmetimit të sinjalit të këtij televizioni, vendim i cili vazhdon akoma në gjykim e sipër.
Prej disa kohësh televizioni Ora News kërkon që të jetë një nga përfituesit e procesit të dixhitalizimit, duke kërkuar që asaj t’i jepet një nga frekuencat kombëtare.
Por sipas Gjykatës, AMA ka zhvilluar një proces të hapur dhe publik dhe frekuencat janë shpërndarë sipas një procedure të mirëpërcaktuar ligjore dhe se nuk ka hapësira ligjore që aktiviteti i saj të bllokohet. (E.K/SHUPLAKA)
Discussion about this post