Thaçi kërkesë nesër për Brukselin: Të tërhiqen fletë-arrestet për pjesëtarët e UÇK-së!

Presidenti i Kosovës, Hashim Thaçi deklaron se nesër do të kërkojë tërheqjen e fletë-arresteve serbe për ish-pjesëtarët e UÇK-së.

I ftuar në emisionin “Info – Box” të RTV Dukagjinit, Thaçi është shprehur se nesër në Bruksel, në vazhdën e dialogut në mes Kosovës dhe Serbisë, për normalizimin e marrëdhënieve në mes dy vendeve, do të kërkohet tërheqja e fletë-arresteve të Serbisë, për ish-pjesëtarët e Ushtrisë Çlirimtare të Kosovës (UÇK), ku përfshihet edhe kreu i AAK-së, Ramush Haradinaj.

Sipas tij, ky është moment që të hapet kapitulli i fundit për normalizimin e marrëdhënieve të Kosovës me Serbinë.

 “Në të njëjtën kohë ky kapitull të mbyllet me njohjen reciproke të Serbisë për Kosovës dhe Kosovës për Serbinë”, shton Thaçi. (D.D/Shuplaka)