Mungon Avokatja e Shtetit, dështon Komisioni Hetimor për ÇEZ

Dështon seanca e sotme e Komisionit Hetimor të ngritur për të zbuluar çfarë fshihet në zgjidhjen me marrveshje të  ÇEZ. Kjo për shkak të mungesës së avokates së Shtetit, Alma Hicka.

Kryetari i Komisionit Edmond Spaho është shprehur se nëse avokatja do mungojë edhe në seancën e radhës që do të mbahet të mërkurën, komisioni do përdorte të tjera metoda për ta sjellë atë në seancë.

Megjithatë, përfaqësuesit e mazhorancës i kanë kundërshtuar reagimin e Spahos, duke i kërkuar këtij të fundit të ndryshojë sjelljen me dëshmitarët në komision.

Sipas deputetit Eduart Shalsi,  dëshmitarët janë ndërprerë herë pas here duke i orientuar në përgjigje. (D.D/Shuplaka)