Ministri i Jashtëm i Greqisë, Nikos Kotizas ka deklaruar se fotoja në kampin ushtarak në Missologhi nuk është bërë në Greqi, por në Shqipëri. Në një intervistë dhënë për televizionin publik grek ERT-në përsa I përket incidentit me shoferin e ministrisë së Jashtme, që po hynte në Greqi me një hartë të Shqipërisë së Madhe, Kotzias tha se ai u arrestua dhe nuk u lejua të hynte në territorin grek.
“Pavarësisht krizës ne mbetemi vendi më i fuqishëm në rajon”, u shpreh Kotzias. GDP jonë është ma i madh se të gjithë vendet e tjera në Ballkan pavarësisht se kemi humbur gjatë krizës 60-70 miliardë dollarë. Ne jemi një vend me institucione të forta dhe kapacitet të madh. Kundër nesh kanë dalë disa vende që janë formuar dy dekadat e fundit. Këto shtete kanë një popullsi të re dhe ndonjëherë veprojnë me vrull që çon në nacionalizëm”, tha ai.
Ministri grek më tej foli për integrimin e Shqipërisë në BE. “Ne nuk luajmë me nacionalizma, jemi një vend që duam të zhvillim të gjitha problemet, por në bazë të ligjeve evropiane dhe ndërkombëtare”, tha Kotzias. Ai shtoi më tej se në dokumentin e hartuar nga Këshilli i BE-së për Shqipërinë janë identifikuar të gjitha problemet që ka ngritur Greqia.
“Pas kësaj ata dogjën flamurin grek në Dropull… A është në diskutim vendosja e vetos? “Dëgjo nuk kemi pse vendosim veto pasi duhen plotësuar kushtet e vendosura. Nëse jo atëherë kanë punë me KE-në dhe Këshillin e BEsë”, tha ministri. “Ne nuk duhet të zvogëlojmë episodet negative, pasi për të hyrë në BE duhen plotësuar kushtet”, th ai . (J.V/Shuplaka)
Discussion about this post