Pas denoncimit të djeshëm të një qytetari në emisionin investigative “Stop”, sekretari i prefekturës së Lezhës, Altin Jaku, është pezulluar nga detyra.
Në denoncimin e djeshëm, Altin Baruti akuzoi Altin Jakun se i ka vjedhur plot 150 milionë lekë të vjetra në llogarinë bankare, në filialin e Tirana Bank në qytetin e Lezhës, në kohën kur ky i fundit ishte drejtor i saj. Mësohet se zoti Jaku ka ushtruar më parë edhe detyrën e prefektit të Lezhës.
Baruti i kishte depozituar paratë në vitin 2013, por vjedhjen e parave e kishte marrë vesh vetëm dy vjet më vonë, pasi banka e lajmëron se nuk ka më para aty.
Pas këtij skandali, drejtori i madh i bankës i cili është një shtetas grek, e ka telefonuar zotin Baruti dhe ka kërkuar një takim me të.
Filmimet me kamera të fshehtë të emisionit “Stop”, nëpërmjet bisedës me një punonjës, kanë zbuluar se Altin Jaku kishte kryer edhe mashtrime të tjera të ngjashme. (D.D/Shuplaka
