Blendi Klosi në Britaninë e Madhe, kërkon njohjen e pensioneve për emigrantët shqiptarë

Ministri i Mirëqënies Sociale, Blendi Klosi, ishte i pranishëm në punimët e Forumit të Nivelit të Lartë për Edukimin zhvilluar në Britaninë e Madhe.

Në fjalën e tij në këtë forum, ai vlerësoi përpjekjet e qeverisë shqiptare për fuqizimin e edukimit profesional, për rritjen e interesit nga të rinjtë për t’u kualifikuar dhe rënien e shifrave të papunësisë përmes këtij mekanizmi.

Gjatë kësaj vizite zyrtare, një vend të veçantë zuri kërkesa e ministrit shqiptar për arritjen e marrëveshjes së sigurimeve shoqërore, njohur ndryshe si marrëveshja e pensioneve, që do t’u vijë në ndihmë mijëra emigrantëve shqiptarë, të cilët vitet e punës i kanë të ndarë mes Shqipërisë dhe Anglisë.

Veç kësaj, gjatë takimit me Sekretarin britanik i Emigracionit, Robert Goodëill,  ministri Klosi foli edhe për komunitetin e shqiptarëve që jetojnë dhe punojnë në Britaninë e Madhe, duke u fokusuar te problematika e dokumentacionit. (XH.A/SHUPLAKA)